नेपालगन्ज मेडिकल कलेजले लिक्विड अक्सिजन अभाव भन्दै काेराेना उपचारकाे सेवा दिन नसक्ने

नेपालगन्ज मेडिकल कलेज काेहलपुरले  कोभिडका विरामीलाई उपचार गर्ने भनी ३ सय बेडकाे कोरोना बिरामी उचार सेवा दिने भनिए पनि साे सेवा संचालन गर्न नसकिने बताएकाे छ  ।

नेपालगन्ज मेडिकल कलेजले हाल उपचार गराई रहेका बाहेक थप कोभिडका बिरामी भर्ना गर्न असमर्थ रहेको जनाएको छ । लर्ड बुद्ध एजुकेसनल एकेडेमी लिमिटेडले बुधबार एक प्रेस विज्ञप्ती जारी गरी अक्सिजन अभावमा थप बिरामी भर्ना गरी उपचार गर्न नसक्ने जनाएको हो ।

‘अस्पतालमा लिक्विड अक्सिजन ट्याँक, पिएसए अक्सिजन प्लान्ट, अक्सिजन सिलिण्डरवाट विरामीको उपचार भईरहेको थियो’ प्रवन्ध संचालक शुरेस कुमार कनोडीयाद्धारा हस्ताक्षरित विज्ञप्तीमा भनिएको छ ‘तर सबैभन्दा भरपर्दो लिक्विड अक्सिजन ट्याँक सकिएको र भारतवाट आउन नसकेकोले यस शिक्षण अस्पतालले हाल उपचार गराईरहेका बाहेक थप कोरोना विरामी भर्ना गर्न असमर्थ रहेको दु:खका साथ सार्वजनिक रुपमा सवैलाई जानकारी गराउन चाहन्छौ ।’

सरकारले भारतबाट लिक्विड अक्सिजन ट्याँक यथासक्य उपलब्ध गराईदिए तुरुन्त तीनसय बेड संचालन गरी कोरोना बिरामी भर्ना थाल्ने अस्पतालले जनाएको छ । अक्सिजन आपुर्तिका लागि स्वास्थ्य तथा जनसंख्या मन्त्रालयमा बैशाख १९ र २१ गते लिखित अनुरोध गरी अक्सिजन अभावमा ठुलो संकट आउने जानकारी गराईएको विज्ञप्ती उल्लेख गरिएको छ ।

अस्पतालले समस्याका बारेमा यसअघि वैशाख १९ र २१ गते अक्सिजन आपूर्तिका लागि  सघीय स्वास्थ्य तथा जनसंख्या मन्त्रालयमा लिखित अनुरोध गरी अक्सिजन अभावका कारण अस्पतालमा ठूलो संकट आउनसक्ने भनी जानकारी गराएकाे बताइएकाे छ ।

Leave a Reply

Your email address will not be published. Required fields are marked *