बिहीबारदेखि एक हप्ता बाँके जिल्ला लकडाउन गर्न सुझाव

बाँकेमा कोरोना संक्रमण बृद्धिको उच्च दरमा रहेको कारण जिल्लाका स्थानीय तह तथा स्वास्थ्य क्षेत्रका विज्ञहरुले संक्रमणको दर घटाउन अनिवार्य लकडाउनको विकल्प नभएको जिल्ला कोभिड–१९ संकट व्यवस्थापन केन्द्र बाँकेलाई दिएका छन् ।

बाँकेका स्थानीय तहका प्रमुख, स्वास्थ्य क्षेत्रका विज्ञ तथा स्थानीय राजनीतिक दल, व्यावसायीका प्रतिनिधि, सञ्चारकर्मीसहितको सहभागितामा मंगलबार दिउसो जिल्ला प्रशासन कार्यालय बाँकेमा बसेको जिल्ला कोभिड–१९ संकट व्यवस्थापन केन्द्रको बैठकले बिहीबारदेखि कम्तिमा पनि एक हप्ता बाँके जिल्ला लकडाउन गर्न सुझाव दिएको बाँकेका प्रमुख जिल्ला अधिकारी शिवराम गेलालले जानकारी दिनुभयाे ।

बाँकेको कोरोना संक्रमणको दर अत्यन्तै तीब्ररुपले बृद्धि भएको कारण संक्रमणको चेन तोड्नको लागि स्वास्थ्य क्षेत्रका विज्ञको सुझाव तथा संघिय सरकारबाट प्राप्त गाईडलाईनका अनुसार विद्यालय, हेल्थक्लव, पौडि पोखरी, मनोरञ्जनका स्थललगायतको स्थानहरु बन्द गर्नुको साथै बाँके जिल्लालाई लकडाउन गर्न सकिने बताउनु भयाे ।

बाँकेबासीलाई कोराेना महामारीको संक्रमणबाट आफु पनि जोगिन र अरुलाई पनि जोगाउनको लागि स्वास्थ्यका मापदण्ड पालना गर्दै आफुलाई आवश्यक पर्ने खाद्यान्नलगायतको जोहो गर्न आग्रह समेत गरेका छन ।

लुम्बिनी प्रदेश सभा सदस्य आईपी खरेल, नेपालगञ्ज उपमहानगरपालिका प्रमुख डा. धवल शम्शेर राणा, खजुराका अध्यक्ष किस्मत कुमार कक्षपति, एमाले  जनता समाजबादीका, भेरी अस्पतालका डा प्रकाशबहादुर थापालगायतको उपश्थिति रहेको थियो ।

Leave a Reply

Your email address will not be published. Required fields are marked *