खजुरामा व्यवसायिक रुपमा वेटर तालिम सुरु

 

खजुरा गाउँपालिकाको आर्थिक सहयोग र रिसर्च इम्पावरमेन्ट एण्ड सपोर्ट प्रालिको आयोजनामा ३० दिने होटल वेटर तालिम सञ्चालन भएको छ । खजुरा गाउँपालिका भित्रका बेरोजगार २० जना यूवा यूवतीलाई रोजगारको अवसर दिने उद्देश्यले तालिमको आयोजना गरिएको हो ।

तालिम पश्चात रोजगारको समेत ग्यारेण्टी दिने गरी आयोजना गरिएको रिसर्च इम्पावरमेन्ट एण्ड सपोर्ट प्रालिका होमबहादुर सुनारले जानकारी दिनु भयो । चैत २५ देखि २०७८ बैशाख २५ सम्म सञ्चालन हुने तालिम खजुरा स्थित मिनीपार्क होटलमा सञ्चालन भैरहेको छ । होटल वेटर तालिमले बेरोजगार युवा युवतीलाई रोजगारको अवसर प्राप्त हुने खजुरा गाउँपालिका अध्यक्ष किस्मत कुमार कक्षपतिले बताउनु भयो ।

होटल ब्यबसाय क्षेत्रमा वेटरको बढ्दो मागलाई मध्यनजर गर्दै खजुरा गाउँपालिकाले आयोजनागरेको होटल वेटर तालिमले बेरोजगार युवालाई प्रत्यक्ष फाईदा पुग्ने होटल ब्यबसाय संघ बाँकेका अध्यक्ष भिमलाल कँडेलले बताउनु भयो । खजुरा गाउँपालिका वडा नं ४ का अध्यक्ष तिलकबिर सुनारले बढ्दो बेरोगारी समस्या हल गर्न सहयोग सिद्ध हुने बिश्वास ब्यक्त गनु भयो ।

Leave a Reply

Your email address will not be published. Required fields are marked *