बाँकेमा जिल्लास्तरीय सुरक्षा गोष्ठी सुरु

बाँकेमा जिल्लास्तरीय सुरक्षा गोष्ठी सुरु भएको छ। सुरक्षा निकायका सबै अङ्गहरुको उपस्थितिमा शुक्रबार नेपालगन्जमा सुरक्षा गोष्ठी सुरु भएको हो।

सुरक्षा गोष्ठीमा लुम्बिनी प्रदेशका आन्तरिक मामिला तथा कानूनमन्त्री कुलप्रसाद केसी, मन्त्रालयका सचिब रबिलाल पन्त, उपसचिब केदार कोइरालाको उपस्थिति रहेको छ।

गोष्ठीको कानूनमन्त्री कुलप्रसाद केसीले उद्घाटन गर्नुभयाे। उद्घाटनमा बोल्दै उहाले अहिलेसम्म मन्त्रालयले प्रदेशस्तरीय सुरक्षा गोष्ठी गर्दै आइरहेको र उक्त गोष्ठीमा जिल्लाका सुरक्षा निकायका प्रमुखहरुको मात्र उपस्थिति रहदै आएको हुँदा अबदेखि प्रत्येक जिल्लामा पुगेर सबै सुरक्षा निकायका युनिटहरुसङ्ग बसेर छलफल गरी उनिहरुबीचको सम्बन्ध तथा समन्वय साथै समस्या सुनेर समस्याको हल खोजिने बताउनुभयाे।

उहाले जिल्लामा कोभिडको पछिल्लो अवस्थाका साथसाथै सुरक्षाको अवस्था, सबै सुरक्षा युनिटहरुको अवस्था, भौतिक संरचनाको अवस्था, बिकास, अपराध, सीमाको अवस्था तथा अन्य समस्याहरु के के छन ती सबैको निकास निकाल्नका लागि जिल्लामा सुरक्षा गोष्ठीको आयोजना गरिएको बताउनुभयाे।

गोष्ठीमा बाँके प्रजिअ रामबहादुर कुरुम्बाङ, बाँके प्रहरी प्रमुख प्रहरी उपरीक्षक ओमबहादुर राना, नेपाली सेनाका कर्णेल नकुल थापा, सशस्त्र प्रहरी उपरीक्षक अशोक बम लगायत जिल्ला भित्रका सबै सुरक्षा निकायका अङ्गहरुका युनिट प्रमुखहरुको उपस्थिति रहेको छ ।

Leave a Reply

Your email address will not be published. Required fields are marked *