जनप्रतिनिधिका लागि २१ कात्तिकमा उम्मेदवारी दर्ता

२०७६ मंसिर  १४ गते सम्पन्न हुने  उपनिर्वाचनको  निर्वाचन आयोगले  कार्यतालिका सार्वजनिक गरेको  जनाएकाे छ ।

प्रतिनिधिसभा सदस्य, प्रदेशसभा सदस्य र स्थानीय तहमा रिक्त ५२ स्थानका जनप्रतिनिधिकाे  २०७६ मंसिर  १४ गते  उपनिर्वाचन सम्पन्न  गर्ने कार्यक्रम रहेकाे छ ।  जसमा १ जना प्रतिनिधि सभा सदस्य, ३ जना प्रदेश सभा सदस्य र ४८ स्थानीय तहका जनप्रतिनिधिको निर्वाचन हुने कुरा यस अघि नै   आयोगले जानकारी  दिइसकेकाे छ ।

आयोगका अनुसार प्रतिनिधि सभा सदस्यतर्फ कास्की २ र प्रदेश सभा सदस्यतर्फ भक्तपुर १ ‘क’ वाग्लुङ्ग २ ‘ख’ दाङ ३ ‘ख’ मा रिक्त जनप्रतिनिधिका लागि २१ कात्तिकमा उम्मेदवारको मनोनयनपत्र दर्ता गर्ने समय तोकिएको छ ।

आयोगले उम्मेदवारको विरोधमा उजुरी दिन २२ गते बिहान ११ बजेदेखि साँझ ५ बजेसम्मको समय निर्धारण गरेको छ । २३ गते बिहान ११ बजेदेखि दिउँसो साढे १ बजेसम्म मनोनयनपत्र दर्ता र उजुरीमाथि जाँचबुझ तथा ३ बजेदेखि ५ बजेसम्म उम्मेदवारको नामावली प्रकाशन गरिनेछ ।

२४ गते बिहान १० बजेदेखि दिउसो १ बजेसम्म उम्मेदवारले नाम फिर्ता लिने समय निर्धारण गरिएको छ भने सोही दिन साँझ ५ बजे उम्मेदवारको अन्तिम नामावली प्रकाशन हुनेछ ।

२५ कात्तिकमा ११ बजेदेखि अपरान्ह ४ बजेसम्म उम्मेदवारलाई निर्वाचन चिन्ह प्रदान गर्ने र मंसिर १४ गते बिहान ७ बजेदेखि साँझ ५ बजेसम्म मतदान गर्ने समयतालिका आयोगले तय गरेको छ ।

स्थानीय तहतर्फ सार्वजनिक कार्यतालिका अनुसार रिक्त ४८ पदमा भने २७ कात्तिकमा उम्मेदवारले मनोनयन पत्र दर्ता गर्नेछन् ।
३० गते उम्मेदवारको अन्तिम नामावली प्रकाशन गर्ने, १ मंसिरमा उम्मेदवारलाई निर्वाचन चिन्ह प्रदान गर्ने र १४ मंसिर बिहान ७ बजेदेखि साँझ ५ बजेसम्म मतदान गर्ने समय आयोगले निर्धारण गरेको छ ।

Leave a Reply

Your email address will not be published. Required fields are marked *