डुडुवामा रक्तदान सम्पन्न

बाँके । रक्तसञ्चार सेवा दिवस ‘अरुको लागि सेवा भाव जगाऔं, रक्तदान गरौं, जीवन बाडौं’ भन्ने नाराका साथ बाँकेको डुडुवा गाउँपालिकामा बृहत रक्तदान कार्यक्रम गरिएको छ । बेतहनी स्वास्थ्य चौकीमा गाउँपालिकाले आयोजना गरेको रक्तदान कार्यक्रममा वडा नंं १ देखि ६ सम्मका ९६ जनाले रक्तदान गरेका छन ।

कार्यक्रममा गाउँपालिका उपाध्यक्ष शाहिदा बानौ, वडाध्यक्ष गजेन्द्र कैराती, वडासदस्य नेतराम मौर्य, तिरथराम कुर्मी, कौशल कैराती, अवधेश जायसवाल, अशोक मौर्य, निरज जायसवाल, गणेश सिंह, कर्मचारी, शसस्त्र तथा जनपद प्रहरी, स्वास्थ्यकर्मी, युवा लगायत स्थानीयहरुले रक्तदान गरेको गाउँपालिकाले जनाएको छ ।

रक्तदान कार्यक्रमले विशेष गरि ग्रामिण क्षेत्रका युवाहरुमा रगत दिने उत्प्रेरणमुलक सन्देश प्रवाहका लागि गाउँपालिकाले रक्तदान कायक्रम गरेको गाउँपालिका अध्यक्ष नरेन्द्रकुमार चौधरीले बताउनुभयो । उहाँले रगतको अभाव हुन नदिन र रगत अभावमा कसैले पनि अकालमा ज्यान गुमाउन नपरोस् भन्नका लागि समुदायस्तरमा सचेतना अभिबृद्धी गरिएको बताउनुभयो ।

कार्यक्रममा नेपाल रेडक्रस सोसाइटी क्षेत्रीय रक्त सञ्चार केन्द्र नेपालगञ्जको प्राविधिक टोलीले सहयोग गरेको थियो । कार्यक्रममा रक्तदान गर्नेहरुमा सबै भन्दा बढी युवाहरुको सहभागिता रहेको प्रमुख प्रशासकिय अधिकृत विष्णुप्रसाद धितालले बताउनुभयो ।
कार्यक्रम पश्चात रक्तदाताहरुको संख्या बृद्धि तथा स्वस्र्फुत रुपमा रक्तदान गर्नेहरुका लागि नियमित रुपमा यस्तो कार्यक्रम संचालन गर्नुपर्ने रक्तदाताहरुले बताएका छन । त्यस अवसरमा रक्तदान बारे सचेतनामुलक अभिमुखीकरण समेत गरिएको थियो ।

Leave a Reply

Your email address will not be published. Required fields are marked *