फिडेललाई चे को विदाई पत्र

फिडेल,
यो क्षणमा म धेरै कुराहरु सम्झिरहेको छु, जब मैले तपाईलाई मारिया एन्टोनियाको घरमा भेटे, जब तपाईले प्रस्ताव गर्नुभयो म साथमा आए, तयारीहरु गर्ने क्रममा झेलेका सवै तनावहरु । एक दिन तिनिहरु आए र सोधे कि मृत्यु भएका खण्डमा कसलाई खवर गरिनु पर्छ र यसको वास्तविक संम्भावनाले हामी सवैलाई हिर्कायो । पछि हामीले थाहा पायौं यो सत्य थियो, क्रान्तिमा कोहि कि विजयी हुन्छ कि पराजित हुन्छ( यदी त्यो वास्तविक हो भनें )। धेरै कमरेडहरुले विजयको बाटोमा शाहदत प्राप्त गरें ।

आज सवै चिजको केहि कम नाटकिय आवाज आइरहेको छ । किनकी हामीहरु धेरै परिपक्क भयौं तर घटना आफै दोहोरीरहन्छ । म महशुुस गर्छुकी मैले आफ्नो कर्तब्यको भाग निर्वाह गरे जसले मलाई क्युवाली क्रान्तिसँग त्यही क्षेत्रमा बाँधेको थियो र अब म तपाईसँग, सवै कमरेडहरुसँग, तपाईका जनतासँग जो अब मेरा पनि हुन, सवैसँग विदा माग्छु ।

मैले औपचारिक रुपमा पार्टीको नेतृत्व तहमा रहेको आफ्नो पदबाट, मेरो मन्त्री पदबाट, कमाण्डरको पदबाट र मेरो क्युवाली नागरिताबाट राजिनामा दिन्छु । अब क्युवाको कुनै कानुनले मलाई बाँधेको छैन । अर्काे प्रकृतिको सम्वन्धहरु मात्र जो पदहरुको नियुक्ती जसरी तोड्न सकिदैन ।

मेरो अतितको जीवनलाई फर्केर हेर्दा, मेरो विश्वास छ कि मैले पर्याप्त ईमान्दारीता र निष्ठाका साथ क्रान्तिकारी विजयहरुलाई संंगठित गर्नमा भरपुर योगदान गरेको छु । मेरो गम्भिर कमजोरी मात्र के रह्यो भनें सियरा मेइस्त्रीका शुरुवाती क्षणहरुमा मैले तपाईमा धेरै आत्माविश्वास देख्न सकिन र एउटा नेता र क्रान्तिकारीको रुपमा तपाईका गुणहरुलाई छिटै बुझ्न सकिन ।

मैले निकै भव्य समय विताए र तपाईसँग क्यारेवियन(मिसाईल) संकटका उत्कृष्ट तर दुखद दिनहरुमा हाम्रा जनतासँगको सम्वद्धताको गर्विलो अनुभव पनि गरियो । त्यो बेला तपाई जति उत्कृष्ट हुनुहुन्थ्यो त्यस्ता राजनेताहरु विरलै थिए । तपाईलाई निसंकोच पछ्याएउनु मेरो लागि गौरवको विषय हो साथै खतरा र सिद्धान्तलाई सोच्ने, हेर्ने र विश्लेषण गर्ने तरिकासँग परिचित हुनु पनि ।

विश्वको अन्य राष्ट्रहरु पनि मेरो सानो सहयोगको अपेक्षा गर्छन् । क्युवाको राष्ट्र प्रमुख हुनुको उत्तरदायित्वको कारण तपाई यो काम गर्न सक्नु हुन्न तर त्यो म गर्न सक्छु र हामी अलग हुने समय आएको छ ।

तपाईले थाहा पाउनु पर्छ कि म यो सबै खुसी र पिडा दुवैको साथमा गर्दैछु । मैले यहाँ अति प्रिय व्याक्तिहरु र एउटा निर्माताको रुपमा पवित्र आशाहरु छोडेर जाँदैछु । र म ति जनतालाई छोडेर जाँदैछु जसले मलाई छोराको रुपमा स्विकार गरे । यसले मेरो भावनामा गहिरो चोट पुर्याएको छ । म संघर्षको अग्र मोर्चामा त्यो विश्वासलाई लैजाँदै छु जुन मैले तपाईबाट सिकेको छु । जहाँसुकै होस् म साम्राज्यवादका विरुद्ध लड्नका लागि आफ्ना जनताको अदम्य क्रान्तिकारी उत्साह र पवित्र कर्तव्यलाई पुरा गर्ने भावनाहरुलाई पनि साथमा लैजाँदै छु । यो मेरो शक्तिको स्रोत हो र यसले गहिरा घाउहरुलाई पुरिदिने काम गर्छ ।

मैले फेरि एकपटक भन्छु, यसको उदाहरणबाट आउने कुरा बाहेक म आफ्नो उत्तरदायित्वबाट क्युवालाई अलग गर्न चाहान्छु । यदि मैले आफ्नो अन्तिम समय अर्कै आकाशमुनी विताउनु पर्याे भने मेरो अन्तिम सोचाइमा यिनै जनता हुनेछन् विशेषगरी तपाई । म तपाईले दिएको शिक्षा र तपाईको उदाहरणका लागि आभारी छु । र म आफ्ना कामहरुको अन्तिम परिणाम प्रति विश्वास गर्ने प्रयास गर्नेछु ।
म हाम्रो क्रान्तिको वैदेशिक नीतिको वारेमा सधैभरी परिचित छु र भईरहने छु । जहाँसुकै भए पनि क्युवाली क्रान्तिकारी भएको जिम्वेवारी वहन गरेको महशुस गरिरहने छु र मैले त्यस्तै व्यवहार गर्ने छु । मैले मेरा श्रिमती र बच्चाहरुलाई केहि सम्पती छाडेर नजाँदा कुनै दुःख लागेको छैन बरु यस्तो भएकोमा खुसि छु । मैले उनिहरुका लागि केहि माग्दिन, राज्यले नै उनिहरु बाँच्न र शिक्षा प्राप्त गर्न उचित प्रवन्ध गर्नेछ ।

तपाईलाई र हाम्रा जनतालाई भन्नको लागि धेरै कुरा थिए तर ति सवै अनावश्यक जस्तो लाग्छ । म जे भन्न चाहान्थे त्यो कुरा शब्दहरुले अभिव्यक्त गर्न सक्दैनन् र खाली पानाहरु भर्नुको कुनै अर्थ छैन ।

सधै विजयको बाटोमा ! मातृभुमी वा मृत्यु
पूर्ण क्रान्तिकारी भावनाका साथ तपाईलाई अँगालो

–चे
अप्रिल, १९६५

माक्र्सवादी दृष्टिकोणबाट

Leave a Reply

Your email address will not be published. Required fields are marked *